كما اقترحنا في المقالة السابقة: “تكهنات للحل السياسي في ليبيا” وضمن الحل السياسي حكومة بمشروع يلتف حوله المجتمع المدني أحدى ركائزه التنمية الاقتصادية حيث تضمنت الخاتمة : “خطة واضحة المعالم تطرح حل الأزمة بموارد مالية محسوبة ولمدة محددة تخلق منه فرص عمل للشباب وتخفف من الأزمات اليومية وتسهم في الاستقرار والحلول الأمنية”. والخطة تتطلب موارد مالية تترجم في مشاريع عملية، تحتاج إلى صناديق سيادية تمولها المصارف الوطنية، بعد التفاوض معها، والأمم المتحدة، والصناديق الاستثمارية.
تصرف الموازنة العامة لتحقيق جملة من الأهداف من أهمها: تنفيذ خطط التنمية الاقتصادية وضمان العدالة الاجتماعية، وتقنين الصرف على الحكومة مع المحافظة على مستوى الأداء وبدون التقصير في توفير مستلزمات الإنتاج والخدمات العامة.
التنمية الاقتصادية المنشودة هي التي تعمل على زيادة الدخل العام، واستغلال الموارد الطبيعية، ودعم رؤوس الاموال، وزيادة التبادل التجاري، بالطبع مع معالجة الفساد الإداري. إلا أن سلطة النظام السابق الشمولية وتحكمه في مقاليد السياسة النقدية والمالية والاقتصادية، وتغيب المشاركة الفعلية للمواطنين/ات حرم ليبيا من أي تنمية اقتصادية حقيقية.
الظروف الاستثنائية والهدف الشباب:
يجب أن يصادق البرلمان على الميزانية المقترحة من الحكومة لضمان تحقيق بعض المكاسب السياسية والاجتماعية. ولكن الظروف التي تمر بها البلاد من تمزق سياسي أحال دون اعتراف البرلمان بالحكومة مما دفع بحكومة الوفاق تقديم الميزانية بدون مصادقة البرلمان! لذلك للخروج من الأزمة الاقتصادية ووضع برنامج للتنمية الاقتصادية لا بدأ أن تحرص حكومة الأزمة على إنشاء صناديق سيادية تستطيع بها تمويل المشاريع الصغرى والمتوسطة، وأيضا اسكان الشباب، والصرف على البنية التحتية من موصلات وصحة وتعليم وزراعة على أن تولد منها ، أو تترجم في، فرص عمل للشباب.
المصرفات قبل الايرادات!
قد يكون من المنطق أن تعطي الحكومة الأولوية للمصروفات اللازمة لتسيير مرافق الدولة قبل تحديد الموارد المالية اللازمة لتتوافق مع الخطة الاقتصادية. إلا أن العقلية الليبية ونتيجة لمركزية الدخل وقبضة النظام السابق على حركة النشاط الاقتصادي فقد سيطرت على الايرادات واختزلتها بالدرجة الأولى من دخل النفط واستثمارات الدولة الخارجية قبل الداخلية، بعد أن حرمت النشاط الخاص من المساهمة في الايراد العام، وتحكم النظام أيضا في المصروفات بحيث تحول الجميع إلى متسولين عند أبواب مؤسسات دولة الجماهيرية الضمانية!
بل مخصصات التنمية كانت تصرف على استمرارية مؤسسات الدولة ولو بشكل ظاهري على الكثير من المشاريع، أنفقت عليها الملايين، بعد أن خطط لها وتم تنفيذ البعض منها على الورق فقط!!! بل استمر لليوم صرف مئات الملايين على الأثاث والقرطاسية والسيارات، فالقطاع العام هو بالوعة الفساد! ومع غياب الشفافية فقد كانت مؤسسات الاستثمار الخارجية مصادر تمويل للنشاط السياسي الخارجي، وتمويل حركات التمرد بدول مستقرة. فلم تحدد المصروفات على ضوء الإيرادات بل كان الصرف من أجل الصرف على استمرار الحد الأدنى من مظاهر الحياة وليست التنمية الاقتصادية والرفاهية ولذلك غاب أهم هدفين إلا وهما:
· خلق فرص عمل حقيقية.
· الإسهام في التنمية الاقتصادية.
من المهم ترجمة أرقام الميزانية المخصصة للمواصلات والتعليم والصحة والزراعة إلى فرص عمل مباشرة وغير مباشرة. وهذا سيخفض، وبشكل ملحوظ، من نسبة البطالة بين الشباب.
أثبتت الدراسات بأن هناك علاقة وطيدة بين التنمية الاقتصادية وحجم مشاركة المؤسسات الصغرى والمتوسطة الخاصة لذلك فمن المهم أن يكون ضمن خطة عمل حكومة الأزمة إنشاء صندوق سيادي لتمويل المشاريع الصغرى والمتوسطة. وليكن الشباب رأس قائمة الممنوحين فرص قروض لتمويل المشاريع، إضافة إلى مشروع إسكان الشباب.
الاقتصاد الريعي وأهمية تنوع الاقتصاد:
بالطبع لا يمكن تحقيق التنوع في مصادر الدخل مع نهج الاقتصاد المبرمج من الدولة. وارتفاع دخل الدولة لا يعني بالضرورة الرفاهية وتوزيع الثروة بشكل عادل ليرتفع مستوى المعيشة والخدمات. لا يمكن أن تنجح الدولة المدنية في خلق تنمية اقتصادية إلا مع الاعتماد على الركائز الأساسية الثلاثة والمهمة:
· حكومة برؤية، وبرنامج، وتفويض لبعض الصلاحيات للحكومات المحلية، تأسيسا للامركزية الإدارية، يستوجب تقسيم ليبيا إلى حوالي 13 منطقة تضم كل منطقة عدد من البلديات.
· قطاع خاص نشط يحكمه قوانين مشجعة على الاستثمار وقيود تخلق التنمية المستدامة دون الاخلال بالتوازن البيئي.
· مجتمع مدني نشط يحرص على تحقيق الشفافية ويراقب أداء الحكومة والقطاع الخاص على حد سواء، ويوقف الصرف الفساد المستمر لتاريخ اليوم.
نعم للشباب:
انتفاضة 2011 بدأها الشباب سلميا وواجهوا مضادات الطيران (م.ط.) بصدور عارية ولكن فرض عليهم حمل السلاح من بعد دفاعا على الحرية والعدالة الاجتماعية! وحرصت بعض الدول لبسط نفوذها مستغلة شجاعة الشباب بعد أن دعمت ومولت صناعة تشكيلات مسلحة متعددة وغير متجانسة.
اليوم من حق الشباب الذين يؤمنون بمدنية الدولة، أو دولة المؤسسات كما يسميها البعض، وبسلمية التغيير أن يكونوا على رأس قائمة أهداف أي خطط اقتصادية وليكونوا محسوبين بالشكل ألأتي:
· ضمن برنامج الصندوق السيادي للتنمية يجب إعطاء الأولوية للشباب للحصول على قروض للمشاريع الصغرى والمتوسطة.
· يجب أن تترجم مصاريف المشروعات الخدمية: مواصلات، وتعليم ، وصحة، وزراعة إلى فرص عمل للشباب مباشرة وغير مباشرة.
· من الضروري خلق صندوق للإسكان بحيث تكون للشباب الذين لا يملكون سكن.
الآراء والوقائع والمحتوى المطروح هنا يعكس المؤلف فقط لا غير. عين ليبيا لا تتحمل أي مسؤولية.
لقد كتبت هذا التعليق في اول يناير 2013 علي صفحة ليبيا المستقبل
عبدالحق عبدالجبار لقد حان وقت الرحيل و الهجره الي ان نلتقي او لا يعتدي علي
متأسف يا جماعه لقد ابلغوني بحصولي علي اللجوء الإنساني و السياسي لاذي
دولة إسرائيل وتحصلت علي احسن علامه في الأمتحان و الأسئلة كانت كما يلي
١) يمنع عليك التظاهر ضد الحكومه و الكنيست و قراراتهم.
الأجابه:- تمام عندنا
٢) تعيش في امن وأمان داخل إسرائيل و خارجها حتي في ليبيا
الأجابه:- تمام معندناش
٣) لك الحق في الطرق المعبده الراقيه و المجاري و أحسن المستشفيات و المدارس و السكن الصحي
الأجابه:- تمام معندناش
٤) لك الحق في القيام بطقوس دينك كما تراها و عدم التعدي علي الأخرين
الأجابه:- تمام معندناش
٥) تًُحترم من الدول الأخري و تُمنح لك تأشيراتها في مدة لا تتجاوز ٥ ايام حتي الدول العربيه و الأسلاميه
الأجابه:- تمام ماعندناش
٦) لك الحق في تقديم الطعن في اي مسؤال وان ثبت عليه الأختلاس او التزوير او الكذب او عدم الشفافيه يقدم للمحاكمه
الأجابه:- تمام معندناش
٧) لك الحق في استعمال مطارات وطائرات راقيه ونظيفه و منظمه و أمانه
الأجابه:- تمام معندناش
٨) تقدم لك المساعدات علي وجه السرعه من جميع سفاراتنا في الخارج حتي في الدول العربيه والأسلاميه حتي لو كنت علي خطأ
الأجابه:- تمام معندناش
٩) عند التصويت لك الحق ان تعرف كل شئ عن المرشح ان كان راجل او امرأه
مستقل او يتبع حزب ، حزب ديني او سياسي متشدد ام لا له سوابق ام لا
اشتغل في الجيش او المباحث ام لا كان قواد ام لا
الأجابه:- تمام معندناش
١٠) رجال الدين عليهم بالشفافيه في لمن يتبعون
الأجابه:- تمام معندناش
النتيجه ناجح بإمتياز
قبلت العرض بسعاده و ارتياح
الوداع او الي اللقاء الي حين انتقال عدوي حقوق المواطن الي قوادة المؤتمر و الوزاره
او الي ان يتعلم هذا الشعب حقيقة قصيدة اذا الشعب يوماً أراد الحياة…………
هل انتم حقاً مسلمون يا معشر الليبيون
هل انتم حقاً مسلمون هل حقاً انتم دوله أسلاميه
عندما قمتوا بالتعرف علي النضام والقوانين داخل إسرائيل. مثلاًٍ اليهودي علي اليهودي حرام ليس كلام وانما فعل ليس حلم وانما حقيقه
هذا كله بعد السؤالين و الأجابتين و السؤال الذي لم اجيب عنه بعد في مطار تل أبيب و منح لي بعض الوقت حتي اجيب عليه
سلام الله عليكم من داخل إسرائيل حيث العدل بين اليهود و الحفاض علي املأك وأموال و أعراض و ارواح اليهود حيث النضام والمستشفيات و المدارس و الجامعات والطرق و الكباري و المباني والبوليس و الجيش كله من اجل إسرائيل واليهود و المواطنين الذين رضواء بالأمر الواقع هرباً من العكس في دولتهم (ليبيا)
السؤال الأول :- ما علاقتك بفلسطين
الأجابه :- قرأت عنها في المدارس و سمعت عنها من الخطباء في المساجد وكذلك من القذافي وبقية رؤوساء العرب …و لكن كل ما قالوه عنها هو يحدث في ليبيا.
و تعرفت علي فلسطنيين مثلهم مثل الليبيين اكثرهم اشتغلوا مع القذافي و عرضوا الليبين للخطر و أكثروا الفساد في البلاد
و دربوا الليبيين علي الإغتيالات وكذلك عرفوهم بكارلوس وان عملوا دوله فسوف اصبح غريب فيها و يلزم لي بتأشيره و يمكن ان تأخد سنين و زيارة المسجد الأقصي سوف تصبح بالواسطه والعدد سوف يكون محدود كما هو حاصل في الحج
السؤال الثاني:- هل تعلم اننا يهود
الأجابه :- نعم أعلم ولكن علي ما اعتقد يصح لي كمسلم ان ألجأ الي غير المسلم لرفع الظلم عني و عن أبنائي
السؤال الثالث:- هل تعلم ان لديك اي املاك او أموال لدي اي دوله كانت ؟ و قد استولي عليها من قبل هذه الدوله او اي فرد من شعبها
سوف تقوم إسرائيل باسترجاعها إليك بدون مقابل مع التعويض و ان كانت هذه الدوله مسلمه بالأسم
عليك بكتابة هذه الأملاك هنا في خانة حصر الأملاك
لي سؤال يا حضرة المفتش لو سمحت
تفضل تفضل ايها المواطن المحترم
لماذا قلت في السؤال الثالث دوله مسلمه بالأسم
المفتش:- هذه الحقيقه لاتوجد دوله مسلمه
و لهذا وجدت دولت إسرائيل
يا حضرة المفتش و لكن الدول الأسلاميه
فيها الأخوان و السلفيين و انصار السنه ووو نهضه اسلأميه
المفتش :- نعم نعم وهذا من حظنا نحن دولة إسرائيل إما هؤلاء و إما رؤساء مجانين فاسدين مرتشين المهم لا مسلمين علي القران والسنه و لا ناس يفهمون انهم لاشئ بدون وطنهم و شعبهم ان لم يؤمنوا بأن احتقار وسلب وطنهم و شعبهم هو احتقار و مذله لهم فإسرائيل بخير
حضرة المفتش اذاً انتم، متأسف نحن، بخير حتي بعد ما يسمي بالربيع العربي
المفتش :- هاهاهاهاها ربيع طبعاً طبعاً طبعاً
ربيع ربيع انه ربيعنا نحن
المفتش:- أيها المواطن و الأن
هل لك الأجابه علي السؤال الثالث الأن ؟
جوابي:-
نعم نعم نعم ولكن عليك ان تمهلني بعض الوقت فانا عاهدت نفسي لن أتقدم الا بعد استرداد جميع الليبيين املاكهم وأموالهم
المفتش و لكن انت الأن مقيم في إسرائيل
جوابي:-
ولكني لأزلت ليبي
المفتش حسناً سأمهلك المدة ولكن عندما تصبح من المتجنسين بجنسية إسرائيل فلاعذر لديك
نعم نعم
تفضل الي موطنك وعش في حفظ و سلام
نجحت بإمتياز
و أني نتمشي في شوارع تل أبيب اللي تفتح النفس نسمع في صوت يقول شالوم شالوم يا ليبي التفت الي اتجاه الصوت فوجدت المفتش متع المطار فحييته بنفس التحيه قالي اقعد هو كان قاعد في قهوه علي كيف كيفك تقول عليها القهوة الخضراء والا چولي بار والا فيدات متع زمان قعدت قالي سمعت الأخبار قولتله لا قالي الشاطر متع إخوان مصر في ليبيا …و الامارات عندها مشاكل مع الإخوان. عاد أني قولت يا ستار استر علي اللي فضُل من البلاد قالي عندك حق تقول هكي مش قلتلك هذا ربيعنا
قولتله كيف يا حضرة المفتش ليبيا تهنت من القذافي و مصر من البقره الضاحكه و تونس من زبل المعيز قالي خلي نسألك سؤال علاش السنفاز
في الظهرة ما يغسلش الفوطه بعد عشرين يوم ايلوحها و يجيب فوطه جديده قوتله سنفاز و ظهره تشن عرفك فيهم قعد يضحك لحد ما شرق بالكبتشينوا
قالي سلملي علي بوك و قوله لقيت جاركم الليبي اليهودي
قوتله باهي وشن قصة الفوطه قالي تو انشأ الله أمي تبي تشوفك انديروا حرايمي علي كيف كيفك و نهدرزوا قوتله باهي تبي تلفوني قالي ما تخافش عندي و عندي وين تسكن انشأ الله عاجبك المحل جارك راهو ولد خالتي من المدينه القديمه وقالي توا عاد نتلاقو
شالوم
ثاني يوم ضرب التليفون قولت الو قالي شالوم أنا صديقك المفتش اولاً اسمي شالم
يعني عندكم سالم أمي خالتك عشيره قالتلك العزومه اليوم الساعه اربعه و حيكون أختها
عڤيڤه يعني عفيفه بالليبي و بنت أختها غزاله
سمتها علي بنت صاحبتها الطرابلسيه بنت بالخير و أختها و ڤاء يعني وفاء وهذه سمتها وفاء للمدينه القديمه و أختها دانا علي بنت سيدنا يعقوب عليه السلام
و ياسيدي بن سيد حيكون خوي استيمان يعني بالليبي سليمان و راجل خالتي موشيان
يعني موسي و راجل بنت خالتي اولاي يعني علي و ولد خالتي صلاحشان يعني صلاح وكلهم نفسهم ايشوفوك و يشموا عليك الريحه الليبيه ولكن وكان ماتبهمش ايجوا قالتلك خالتك عشيره مش لأزم
قولتله لا خليهم ايجوا حتي أني نبي نشم عليهم الريحه الليبيه……!؟
قالي شالم اماله خلاص أني انجيك الساعه ٣ بش ناخدك
قوتله اتفقنا
مشيت يا جماعه نجري بش نشري هديه نرفعها معاي هذه طبيعة العائلات الليبيه
و أني طلعت من الحوش خطوطين زي ما كانت
طرابلس سبحان الله لقيت دكان الورد خديت الورد و في جنبه قهيوه تقول عليها جولي بار خديت منا هديكا التورته متع اللوز و يا سيدي بن سيدك خديت باكو الشكلاطه الباتشي
(Baci)
عرفتوها الزرقاء و القريدجوا يعيني عليها غر شد رياقتك يا راجل و تعرفوا كل مكان قرطسلي كل شي في أوراق الهدايا والساعه ٣ بالزبط و الربط كان شالم علي فم الباب
قالي شالوم جاهز يا عبدالحق
قوتله جاهز يا شالم
و مشينه في سيارته الاانشا نظيفه عفيفه تقول عليها في طرابلس قبل 70
وحط هديكا الأغنيه يا نجمه في العالي
تعرفوها
وصلنا للبيت القيناهم يستنوا
خالتكم عشيره و وڤا و عڤيڤه و غزاله و دنا و موشيان و اولاي و صلاحشان و استيمان
كلهم قالوا شالوم يا عبدالحق الليبي
واني قولتلهم سلام يا يهود ليبيا
و قعمزنا علي طاولة الأكل و أني يا جماعه نشم في الحرايمي حطوا الحرايمي و الكسكسي بالحوت و الحوت المقلي و كله حوت في حوت قعدت أتشوف قولة لروحي زعمه هدوا عيلة حواته وكانه خالتكم عشيره…تسمع فيا فالتلي راهوا احنيه مش حواته
أني خليت شالم و رجالة خواتي و مشيان يمشوا يصطادوا من بحر ربي و البطاطا و الكسكسي و صه عليهم شالم من ايطاليا وحتي البصل
قولتلها علأش هذا كله قالتلي غر كول وتوا بعد الماكله نشرحلك
ويا جماعه يا شينك تعشايه الريحه و الطعمه والضحكه يا الله علي كيف كيفكم
وبعدين جابة طاصة الشاهي الخضراء وقالت راهوا الشاهي جي من الهند
ولكن ما حطوش حاجه حلوه و أني نفكر
قالتلي خالتكم عشيره معليش يا عبدالحق ما فيش حاجه حلوه علي خاطر احني نعرفوا انتم الليبيين ما تأكلوا الا الحلال قولتلها و لكن الحاجه الحلوه مافيهاش لحم قعدت تضحك قريب ماتت من الضحك و قالتلي أني ليبيه قديمه يعني من وقت امك و حناك الحلال مش غر في الذبح و اللحم راهوا حتي في كيف صاحب المحل او البيت تحصل علي المحل او البيت توا فهمتني يا وليدي عبدالحق قولة أني مفهوم و قالتلي بالله عليك يا وليدي ما تزعلش مني تو شالم يمشي معاك بش ترد التورته و الشكولاطه و لكن نبي أنخلي الورد قولتلها علاش قالتلي مش قولتلك الحلال مش غر بالذبح القهوه الحلوه اللي شريت منها استولي عليها من صاحبها الفلسطيني المسلم الشهر اللي فات ولكن محل الورد شراه صاحبه من يهودي عربي يملكه قبل 48 زي حوشنا بالزبط و الربط
فاعتقدت أني ذكي فقلت لها اذاً من وين الطماطم اللي درتي به الحرايمي ضحكت و قالت عرفتك تبي تسأل هذا السوأل و مشيت الي المطبخ و جابت حكه نظيفه عفيفه ذات ذوق راقي و قالت هذا طماطم ليبيا المنصورة الراقي النظيف العفيف من رزق الحلال مافي زيا في العالم هذا فخرنا نحن الليبيون قالت اييييييه يا حصره لما كانوا حمالات الطماطم الراقي مسطرين قدام المصنع الله يبارك
كان كل شئ حلال و ليه طعمه و قالتلي خالتي عشيره تعرف يا عبدالحق الطليان كانوا يرفعوا فيه لأيطاليا وعاد خلي التوانسه و المصاروه الشئ لـله والله لو قعدت ليبيا تصدر في هالطماطم خير من هالكتاب الفاسد و قانون اربعه و نظريه ثالثه راهو توا اغني و أنظف و اعف دوله في العالم واني عشيره تعلمت العشره و قت الطماطم
قولتلها شن في يدك الثانيه قالت ماهو نعرفك تبي تسال كيف ولعت الحطب مشيت جبتلك الشئ لــله الوقيد الليبي السمح لوح و شمع
اماله كيف الله الله يا دنيا كله صدق مش توا بش تولع تبيلك عشرة وقيدات إيه لما نولع وقيده من هالسمح نقعد أندور شن انولع علي خاطر مايبيش ينطفئ
وبعدين قولت أني لشالم يا شالم قولتلي توا اتقولي علي السنفاز و الفوطه
قالي شالم مزال يا عبدالحق في اخر السهريه
سألتني و ڤاء علاش يا عبد الحق انتم تكرهوا اليهود ؟ قولتلها لا يا وڤاء احنيه نكرهوا الأسرائيليين مش اليهود قالت باهي علاش تكرهوا الأسرائيليين؟ قولتلها علي خاطر خدوا اراضي و بيوت الفلسطينين
قالت هل انتم تكرهوا الليبيين المسلمين اللي خدوا اراضي وبيوت ومصانع و متاجر ومباني الليبيون بدون حق نفس الكره؟!!!!!!
هل تقطعوا معهم علاقتكم تماما سكتت وقلت سوف أوجه السؤال الي حكام و مسلمي ليبيا وارد عليك
فقامت و سألت عڤيڤه سؤالها الذي كان قنبله
علاش تقولوا ان القذافي يهودي وكل من يعمل عمل سئ يهودي و لنفترض ان امه كانت يهوديه الم يتربي في بيت مسلم و مدارس و جوامع أسلاميه و مع هذا كله مقبوله منكم ولكن هل كل من سمع كلامه وقتل و شرد واستولي علي أملاك و أرزاق الناس كانوا يهود و بقيت ساكتاًساكناً فقالت الخاله عشيره لبناتها كفايه هذا مثل أخوكم امه و أني تربينا مع بعض فقلت أنا معليش يا خاله خليهم عندهم الحق يسألوا و لكن لو ماعنديش الاجابه يستنوا لحد ما نسأل حكام و مسلمين ليبيا
قالت غزاله معليش يا عبد الحق نسالك سؤال قولتلها يا ستار استر تفضلي
قالت يا عبدالحق تقولوا علينا احنيه حرفنا التوراة و يمكن عندكم حق لكن قولي اما أحسن التحريف و الا عدم التحريف و قرآته و تدريسه و الدعوه اليه وعدم العمل به
قولتلها راني دوخت ما فهمتكش قالتلي
مش دينكم ايقول المسلم علي المسلم حرام
قولتلها صح قالتلي اماله شن صاير عندكم
حتي جماعة الدعوه اللي عندكم باعتينهم لأفريقيا يدعوا وهما بيوتهم واخدينها بالحرام
ولما تسألهم ايقولولك قانون رقم 4 و هذا كلام القائد توا هذا تحريف و الا ولد عمه
قولتلها يا غزاله خلي نسأل الخوان و الدعوة و الحكومه و المؤتمر و المقرف و بقية اسر المستولين
قالت دنا معليش نسالك قولتلها يا والله نهار مغبر وعلاش لا قالت زعمه الناس اللي يزوروا و يأكلوا ويشربوا ويغطوا ويدسوا في وعلي بيوت ومحلات هؤلاء ايديروا في الحرام والا لا قولتلها يا والله تزبيكه خلي نسألهم ونسأل شيخوهم و نرد عليك
ناضوا كلهم وقالوا راهو نستنوا في ردك علي الأسئله متعنا قوتلهم حاضر قالولي وعد
قولت لا يا جماعه مرات المفتي و وزير الأوقاف و جمعية الدعوه و المؤتمر و الحكومه و عائلات المستولين علي الأملاك و المترددين علي المحلات ودنهم طويله و وعد المسلم دين عليه
وقولت أني يا شالم قولي علي السنفاز والفوطه قالي شالم يا عبد الحق تنظيفها ايكلف أغلي من جديدة ويمكن تنظاف و يمكن لا و قولتلهم أني لازم نمشي نستريح توا
تعرفوا يا جماعه دخت قالولي باهي توا شالم ايوصلك و قالت الخاله عشيره راهو الاسبوع الجاي نفس الوقت وكانه عندك الاجابه العشي عندي وكان هذا العشي عند جارنا المستولي علي الحوش و اللي مستولي علي القهوه قولتلها علاش قالت شن عاد علينا ومش عليكم
وروح بيا شالم واني دايخ دوخة الجيفه و قالي انشاء الله اتسامحنا علي اسئله هالبنات قتله لا معليش ما فيش مشكله مشي قالي معليش يا عبد الحق نسألك اسئله تسئلها للجماعه الي قلت اعليهم قتله تفضل قالي انتم مسلمين و احني لا، احني عندنا اليهودي علي اليهودي حرام و انتم لا، حني عندنا الأمن و الأمان و انتم لا، حني عندنا الحاكم همه الاول و الاخير إسرائيل و اليهود و انتم لا، حني حكومتنا ملزمه بمسكن صحي صالح و نظيف لليهودي و انتم لا حني الحكومه ملزمه بماء و اكل صحي و انتم لا ، حني الحكومه ملزمه بالتعليم و العلاج الراقي و انتم لا حني الحكومه همها دخل الفرد اليهودي و انتم همها دخلهم هما و عائلاتهم ، حك رأسه باااااااهي و شافلي بااااااهي و قالي توا يا عبد الحق جماعه المؤتمر امتعكم ايوافقوا علي 13,000 دينار ليبي و بدل ملبس و بدل مسكن و بدل مواصلات و حراسه و معظم الشعب دخله 300 دينار و من غير مسكن صحي.ولا ماء و لا مستشفيات و لا تعليم و تقولوا انتم مسلمين ؟ كيف يا عبد الحق ؟
قعد خوكم عبد الحق الليل كله وهو ايقول يا والله نهار احرف يا والله يوم مغبر الله لا تربح ها المؤتمر و ألأفتاء و الحكومه و الأوقاف و ها الهبطه اللي ايقولوا مسلمين وعائشين في الحرام و بالحرام و جاني هداكا القداد طول الليل و يقولولي يبوا الشريعه تي تي اما شريعه انشأ الله شريعة المقرف القواده وماكلة الإحرام ماهي حشمه يا شينك تبهديله استر يا ستار استر نشهد بالله تقربعة
توا يا مفتي الديار و يا وزير الأوقاف و يا رئيس المؤتمر و يا رئيس الوزراء و يا مسلمين
عندي اسبوع هل من منقذ هل من مجيب
والا علي قولتكم غمض عيونك و سمي و كول
يوم جيد سيدي / سيدتي ،
تنطبق على جميع أنواع القروض هنا بمعدل 2 ٪
نحن نقدم قروض يوم الدفع ، والقروض الشخصية قصيرة الأجل والقروض الشخصية على المدى الطويل.
البريد الإلكتروني: ajilfinancials@yahoo.com
ما هو التطبيق: +917204438613
أولا ) : بالنسبة لكاتب المقال . بعد السلام / ياراجل هي الطنجرة مشركة ومنقبة ومخبطة ومتهرية …. وأنت تحكينا كيف نديروا فيها أو بيها طبخة أو ماكلة كويسة ؟؟!. هذا الكلام ممكن لو أن أمور المطبخ سليمة، وحضرة الطباخ عنده النية في اطعامنا ، وناقصة علينا غير وصفة الأكلة. هذا الموقف يشبه موقف أخينا الذي يحكي لنا عن فوائد ( معركة بدر الكبرى ) وهو يعلم أن أكثر المسئولين والمواطنين الليبيين ( والعياذ بالله ) مشكوك في كونهم مسلمين. وأن أغلبهم قرأ هذه المسألة في المدارس. وأن المطلوب الآن من الكتّاب هو توظيف مبادئ الاسلام السمحة في تشخيص هذا البلاء السياسي والاجتماعي الذي اجتاح العباد والبلاد كما اجتاحت اللافا المنصهرة من براكين هونولولو الاحياء السكنية. ثانيا ) بالنسبة لما كتبه السيد عبد الجبار : أقول : سبحان الله حال الليبيين اليوم 2018م هو أسوأ من حالهم عام 2013م. لقد صدقت ياسيد عبد الجبار في شرح الأمر لغة ، واشارة ، وتشخيصا ، وتحليلا ، ولكن هات من يفهم ويستحي !!!. وصفك يتفق مع ( إنك لاتسمع الموتى ولا تسمع الصّمّ الدعاء إذا ولّوا مدبرين ). ولا حول ولا قوة ال بالله.